TV77తెలుగు సీతానగరం :
తూర్పుగోదావరి జిల్లాలో ఓ వ్యక్తి ముగ్గురు పిల్లలతో కలిసి ప్రాణాలు తీసుకునే ప్రయత్నం చేశాడు. తండ్రి, ఓ కుమారుడి పరిస్థితి విషమంగా ఉండటంతో ఆస్పత్రికి తరలించారు. మండలంలోని ఓ గ్రామానికి చెందిన మహిళ ఉపాధి కోసం కువైట్‌ వెళ్లారు. ఆమె భర్త సొంత ఊరిలో ఉంటుండగా. ఇద్దరు కుమారులు, కుమార్తె అమ్మమ్మ ఇంటి దగ్గర ఉంటున్నారు. తండ్రి అప్పుడప్పుడు వెళ్లి పిల్లల్ని చూస్తున్నారు. సంక్రాంతి కావడంతో శనివారం సాయంత్రం పిల్లల దగ్గరకు వెళ్లారు. ముగ్గురు పిల్లలను బయటకు తీసుకెళ్లాడు. ఓ తోటలికి వెళ్లి అక్కడ ముందుగా తాను ఎలుకల మందు తాగేశాడు. తర్వాత ముగ్గురు పిల్లలతో తాగించే ప్రయత్నం చేశాడు. అందులో పదేళ్ల చిన్న కుమారుడు మందు తాగేశాడు. మిగతా ఇద్దరు పిల్లలు మాత్రం తాగలేదు. అతడు అపస్మారక పరిస్థితిలోకి వెళ్లడంతో. ఇద్దరు పిల్లలు తప్పించుకున్నారు. కొద్ది సేపటికి వారిని గమనించిన కొందరు స్టానికులు పోలీసులకు సమాచారం అందించారు. వెంటనే పోలీసులు బాధితులను ఓ ప్రైవేట్ ఆస్పత్రికి తరలించారు. అక్కడ డాక్టర్ల సూచన మేరకు మెరుగైన వైద్యం కోసం రాజమండ్రి ప్రభుత్వ ఆస్పత్రిలో చేర్చారు. ప్రాణాలు తీసుకునే ప్రయత్నం చేయడానికి కారణాలపై ఆరా తీశారు. తన భార్య వేరే వ్యక్తితో కలిసి ఉన్న వీడియో చూసి మనస్తాపంతో ప్రాణాలు తీసుకునేందుకు ప్రయత్నించినట్లు తెలుస్తోంది. సమీప బంధువుల నుంచే సోషల్ మీడియాలో వీడియో వచ్చిందని బాధితుడు పోలీసులకు ఇచ్చిన స్టేట్‌మెంటులో చెప్పారు. అయితే అతడు చెబుతున్న వీడియోలను ఇంకా పరిశీలించాల్సి ఉందని పోలీసులు అంటున్నారు. అతడు ఆటో నడుపుతాడని. గతంలో చోరీలకు పాల్పడినట్లు గోకవరంలో అతడిపై కేసులు ఉన్నాయని పోలీసులు చెబుతున్నారు. కేసు నమోదు చేసి దర్యాప్తు చేస్తున్నారు.
